風雲丸 (已結業)

平時搭車經過，見到好長龍，對沾麵有興趣嘅我，一直好好奇想試吓，所以搵日好早六點幾就嚟，會冇咁多人～係排緊隊嘅時候，啲職員都好細心，會安排啲細細杯嘅水同茶俾我哋飲～喺排緊隊嘅時候我已經望左個餐牌，諗定豚骨魚介味玉沾麵，因為食麵配但係我必備嘅至愛～沾麵有2款選擇，有冷麵或者溫麵，冷麵質感較為有嚼勁，溫麵則軟身d。麵嘅份量有3種選擇，有200g，300g，400g可選，都無額外收費，除非你揀800g富士山盛先要加$45，其實我都唔係幾知300g同400g會有幾多，但因為我自己又想試埋個香鬆飯加$20，所以就揀300g，因為我再配埋其他野，所以呢個份量都啱啱好，唔會浪費食物。個石鍋嚟到啲湯仲係滾啲，將啲面浸落去果然好濃郁好好味～ 之後我睇枱上面嘅圖畫，試另一種食法就係加檸檬汁，湯底個味就會淡左。塊肉好厚身好香。再試下配香鬆飯，都好美味。 呢餐好豐富，值得一試。