大家樂 (幸福商場)

营业中

休息中

諗住近近地喺長沙灣附近食個大家樂，點知去到呢嗰個收銀員個態度極為之差，圖中穿黃衫站在收銀處的女人為該服務態度極差的收銀員，佢已經唔係對我一個態度差，對住啲阿公阿婆都係咁差，所以我先要寫一篇食評點名批評下佢！事緣我去到嗰度諗住嗌一個粟米肉粒飯啦，但係佢就好唔耐煩同好急咁樣係咁問我，要飲咩嘢，係咪喺度食？係咪喺度食？重複咗起碼五六次，而當日我其實係有少少唔舒服，可能反應係會慢左少少，但都應該不至於要佢趕收工式咁不停問我同一句野咁多次掛🙂🙂而我因為俾佢吹到褲都甩嘅關係，我就答咗句飲綠茶，後尾先醒起我仲有少少咳，所以想轉杯熱檸茶，而佢就黑晒面！勁唔耐煩，服務態度極差！不過我唔係成日喺嗰一頭食野所以就算數啦，寫篇食評發洩吓就算數，但係真係替嗰邊嗰啲街坊辛苦，日日落街想食個大快樂快餐都要受氣，對住呢一個疑似經理級嘅收銀員，我見班員工都唔多開心！最後一張相就係個投訴熱線，如果大家係成日食呢一間大家樂，而又遇到類似嘅事件記得投訴佢！