燒肉時代 (已結業)

平安夜既夜晚呢避開旺區既人，黎到東涌食呢間好似好評都唔少既韓式烤肉店！都驚會FULL HOUSE 所以都預早BOOK左枱，黎到就有枱啦真係好！我地３個人叫左２份燒肉（豬頸肉同濟州豬腩），炒飯，一份海鮮煎餅。燒肉側面會有芝士粟米，同蛋，叫燒肉既例牌會有生菜包住食，但就無蒜頭。肉質都OKAY, 幾爽口。炒飯係會有人幫你炒埋既，都炒左成２０分鐘，仲會整個心形比你影相。有芝士同蛋，炒到有少少飯蕉，都幾好味！整體黎講服務唔錯，野食都好味，又唔係太貴，可能係位置問題啦。如果住呢區黎食都幾開心既。