影片
更多
2015-03-03
4842 浏览
今日同個fd行完街買鞋，但係諗唔到食咩好，個fd話去食放題，我就唔知附近邊間好食，因為通常都係係旺角食，咁咪行下睇下。跟住行到銅鑼灣二期，冇啦啦有個人派左張傳單俾我，傳單上寫住滿屋，我個fd就問派傳單個個人間野係邊，佢話係二期八樓。我地就決定左試呢間，因為呢間最近，同埋我地已經行到好攰。上到去，一出lift已經聽到有人係到用日文講歡迎光臨，跟住問我地幾多位，咁我咪同門口個個講兩位，跟住佢咪揾人帶我地去坐。去到個位，我見係二人位，於是同佢講我地想坐大d既卡位，問佢可唔可以，因為費事d野冇位擺。佢跟住就指左張四人既梳化位俾我，問我呢張得唔得，咁我個fd都話就呢張梳化位啦。一坐低就梗係揾野飲啦，見到個汽水櫃咪行過去，諗住自己攞，企係個汽水櫃面前諗緊飲咩個陣，無啦啦有人拍我博頭，跟住轉身見到個着住制服既員工問有咩可以幫到我，我咪話睇緊攞咩野飲，佢跟住同我講唔洗出黎自己攞，寫張飲品紙就得啦，有人會攞過黎俾我地。我之前去食放題，次次都係要自己去攞，但係呢間原來寫紙就得，啱晒我呢d懶人。跟住講野食，d野食種類好多，質素又唔差。最鍾意芝麻雞翼同埋芝士年糕，d野食熱辣辣，唔會好似以前食過個d，凍冰冰又硬
上到去，一出lift已經聽到有人係到用日文講歡迎光臨，跟住問我地幾多位，咁我咪同門口個個講兩位，跟住佢咪揾人帶我地去坐。去到個位，我見係二人位，於是同佢講我地想坐大d既卡位，問佢可唔可以，因為費事d野冇位擺。佢跟住就指左張四人既梳化位俾我，問我呢張得唔得，咁我個fd都話就呢
張梳化位啦。
一坐低就梗係揾野飲啦，見到個汽水櫃咪行過去，諗住自己攞，企係個汽水櫃面前諗緊飲咩個陣，無啦啦有人拍我博頭，跟住轉身見到個着住制服既員工問有咩可以幫到我，我咪話睇緊攞咩野飲，佢跟住同我講唔洗出黎自己攞，寫張飲品紙就得啦，有人會攞過黎俾我地。我之前去食放題，次次都係要自己去攞，但係呢間原來寫紙就得，啱晒我呢d懶人。
跟住講野食，d野食種類好多，質素又唔差。最鍾意芝麻雞翼同埋芝士年糕，d野食熱辣辣，唔會好似以前食過個d，凍冰冰又硬，好似啱啱係雪櫃攞出黎咁，而且落完單冇耐就有野食，夠快，我地兩個人夾埋差唔多食左廿隻芝麻雞翼。
埋單個陣，個員工同我地講有雪糕食，攞個黎一望，重要唔係普通野，係hagaz-das。
估唔到咁好彩俾我地食到呢間放題，員工招呼又好，一有咩事舉手定俾單都好快有人應我地，跟單又快手，又有禮貌，成日聽到佢地唔該前多謝後。如果十分滿分，我會俾9.5分。我臨走攞左張公司既卡片，下次實再同fd黎食。
张贴