度小月 (海運大廈) (已結業)

個人比較鍾意去尖沙咀多個銅鑼灣分店。因為尖沙咀分店如果坐玻璃附近嘅枱就可以望到海。而且餐廳相對較大，位置比較多。 當日係平日夜晚，無乜人等位，職員盡量將啲客分開坐唔使帶搭台。--🥣 祖傳肉燥飯 HK$28肉燥雖然份量同汁唔係特別多，但撈飯味道都好夠。個人覺得佢醬汁甜多過鹹嘅味道。.🍜 擔仔雙併麵 HK$35上面有少少肉燥，仲有隻蝦仔。雙併麵係麵加米粉。肉燥加埋湯底有啲甜嘅味道。.🍲 綜合丸湯 HK$28魚蛋、豬肉丸、貢丸。湯底係淡湯。.🥢 芙蓉炸豆腐 HK$48外面嘅粉超薄，所以食起黎唔會好油嘅感覺。