Nara Thai Cuisine (港威商場)

营业中

休息中

虾片($15)，系餐前小食，虾片加入左黑椒带少少微辣，味道唔错，而且好脆口，食唔停口食完一片又一片。香脆虾饼($58)，共三件，这价钱合理，虾饼系一整个圆形，有别于坊间切开半圆形，口感方面虾饼外层炸得酥脆，虾肉新鲜弹牙，酱汁系店家自家调制味道带甜。花胶海鲜冬荫功($228)，这菜式无论食材或配料都用料好足，配料方面用左泰国多种香料去熬制，闻落已经好香，辣辣地好香口，而且有个炉不断煮keep住温度，食材方面有花胶、大虾、青口、鱼块、鱿鱼、带子，大大片花胶充满骨胶原好爽口，吸埋冬荫功既味道更惹味。黄咖喱软壳蟹($198)，钟意食软壳蟹既好处就系可以成只连壳食，配咖喱永远都系绝配，好入味，这咖喱汁系店铺用左干咖喱调制，唔辣的怕辣既人都唔使惊。印度薄饼($35)，有咖喱汁当然唔少得配埋薄饼，伴汁一齐食先够正，一定要趁热食口感先至会软熟，凉左就慢慢会变硬。