Honbo (已結業)

同個女去完反斗城佢話想食漢堡就揾下海港城有無快餐店，見到Honbo 對住個靚海景就決定食🤣水牛城雞翼雞翼炸到香脆，大大隻，加左醬汁酸酸辣辣咁，好開胃。薯條新鮮炸熱熱辣辣，脆身。Honbo 2.0有4x2oz牛肉，芝士三片，酸瓜，洋葱，自家制醬汁。牛肉味道濃郁，煎得少少燶邊，香口肉汁仲好多。照燒雞堡材料有燒雞，洋蔥，生菜，自家制照燒汁，沙律醬。燒雞一d都唔鞋，生菜爽口，加上醬汁特別，好食。 Mikes lemonade呢個必飲，味道酸酸地，食完可以解膩，而且份量好大杯。