Honbo (已結業)

而家少左出街，咁啱海港城而家又有coupon可以買野有優惠，買完野卡梗係要醫肚，見到Honbo餐廳新淨又有海景，決定要試一試。The Gold Standard $178招牌牛肉漢堡，餡料有煙肉、青瓜、洋蔥同芝士，牛肉有兩塊，肉味濃郁，煎得香脆肉汁非常多。Grilled Chicken Burger $98雞肉好大塊，啖啖肉，加上自家醬汁，麵包鬆軟有咬口，牛肉之外一個唔錯既選擇。Cheese Fries $58食漢堡就一定要跟薯條，薯條係幼身，香脆熱辣辣，加上香濃芝士，份量亦多，非常好味。Buffalo Wings $78水牛城雞翼同薯條一樣都係新鮮炸起，醬汁唔太辣，酸辣惹味。Mike's Lemonade $38檸檬水微酸，飲落好清爽，解膩一流。Apple Pie Iced Tea $38真係好似食左蘋果批一樣，將甜品飲落口一樣，值得一試。