櫻桃麵飽西餅 (已結業)

自從長大後，每次食生日蛋糕都不外乎買連鎖麵包店，或者偶爾買豪華少少嘅品牌。但係人越大，越想食返細個果種味道。例如黑森林蛋糕，我不需要花巧，亦不需要朱古力為名牌出品，只想食返舊式麵包店果種味道。費煞思量，終於趁親戚生日而比我搵到一間了。九龍城櫻桃麵包西餅，平時行過都係買熱辣辣新鮮出爐曲奇皮蛋撻，今日事先打電話問有冇黑森林蛋糕，電話筒傳來一句：「有」，已足夠令我雀躍萬分。因為電話預留左嘅關係，我鄰近晚飯時候至黎到都買到，半磅蛋糕至需$55，呢個價錢簡直超值。雖然唔係用上貴價材料，但食到好原始嘅朱古力夾心蛋糕味，外面嘅朱古力碎，簡直係我小時候嘅最愛！至於蛋糕上面嘅生果，就略為失色。經過今次，我會繼續尋覓香港麵包店嘅生日蛋糕！