影片
更多
2010-08-30
276 浏览
上星期早到屯門食飯, 發現了一家小小的士多. 士多對面, 同名有一間小小的快餐店. 店舖位於一間舊式商場既門口兩側, 有如左右門神咁. 位置顯眼, 但地點是井財街內的小街, 地點就極不顯眼. 符合了我尋找隱世的味道的要求. 3點多, 只有一個年過八旬的婆婆來招待. 小小店, 連埋走廊的一張檯, 再加埋士多的一、兩張檯. 店主實在是小小生意地經營著. 選擇, 不多, 說深一層, 可以算是極少. 來來去去, 都只是公仔麵, 三文治, 火腿、餐肉、煎蛋、五香肉丁同豬扒. 而且所有東西都非常之便宜. 我叫了最貴的炒公仔麵, 只不過是$21, 這個已經是包飲品的價錢. 而且老細 (一名中年男士), 仲賣大包, 因為臨收檔冇哂熱茶, 凍茶不加我錢.向婆婆點了是日所食, 本想食豬扒的, 但老婆婆心水非常清, 大叫坐在對面嘆報紙中的哥仔老闆. 一句豬扒賣哂, 而我轉叫餐肉蛋又不再多問. 婆婆直接吩咐老闆道：「叫炒麵呀！」老闆才放下報紙, 在身旁的 超力光身麵紙箱 拿出麵餅, 同老婆婆交替職務, 他入廚房, 老婆婆看士多. 煮好我的麵, 他回士多, 老婆婆回來, 入廚房...邊唱歌仔, 邊說準備收工,
3點多, 只有一個年過八旬的婆婆來招待. 小小店, 連埋走廊的一張檯, 再加埋士多的一、兩張檯. 店主實在是小小生意地經營著. 選擇, 不多, 說深一層, 可以算是極少. 來來去去, 都只是公仔麵, 三文治, 火腿、餐肉、煎蛋、五香肉丁同豬扒. 而且所有東西都非常之便宜. 我叫了最貴的炒公仔麵, 只不過是$21, 這個已經是包飲品的價錢. 而且老細 (一名中年男士), 仲賣大包, 因為臨收檔冇哂熱茶, 凍茶不加我錢.
向婆婆點了是日所食, 本想食豬扒的, 但老婆婆心水非常清, 大叫坐在對面嘆報紙中的哥仔老闆. 一句豬扒賣哂, 而我轉叫餐肉蛋又不再多問. 婆婆直接吩咐老闆道：「叫炒麵呀！」老闆才放下報紙, 在身旁的 超力光身麵紙箱 拿出麵餅, 同老婆婆交替職務, 他入廚房, 老婆婆看士多. 煮好我的麵, 他回士多, 老婆婆回來, 入廚房...邊唱歌仔, 邊說準備收工, 邊收拾廚房. 小店給我的感覺, 甚是清閒, 甚有鄉效feel.
奶茶. 用雙囍淡奶沖調的, Cream味不遜於黑白淡奶. 係餐飲界, 仿佛只有呢兩隻牌子, 才能沖出香港好味道. 奶茶夠香, 奶多creamy, 凍飲也一樣的濃滑. 若此店是用黑白淡奶沖調, 可能我會去提名一下.
炒公仔麵, 實際上味道是非常的平凡. 餐肉煎得夠香, 蛋就煎得過熟. 麵, 炒既時候沒有多落味道. 咸味不重. 唔覺有化學的味精粉. 純是用薄薄的豉油炒出來, 有味道但不明顯. 帶少少豉油香但不濃. 一啖香口的午餐肉, 一啖味道沒有過濃的麵條, 一啖雖煎老了但味香的雞蛋. 味道簡單而平凡. 家庭式製作, 茶餐廳的功力. 可是, 令我開心的, 不是在味道方面. 而是小店給我的感覺, 清閒, 簡潔, 無憂無慮.
张贴
