Oasis Corner (已結業)

晚餐去試左間新新地嘅餐廳Oasis corner，喺觀塘成業工廈樓上鋪，細細地，牆身都係七彩嘅猫猫畫。見menu仲可以包場，幾個人聚下都係個唔錯嘅地方。 食物叫左兩份American style嘅All day breakfast,一份要左煙三文魚配牛角包，另一份就黑毛豬配堅果包。 其他材料有法蘭克福腸，炒蛋，沙律菜，薯角，大啡菇，煙肉～ 煙三文魚好香，淡淡嘅鹹味，食落唔會韌。牛角包比想像中大個，而且外脆內軟，有油香面唔膩，仲暖暖地，好好食。黑毛豬有鹹香味，配堅果包一齊食幾夾。堅果包包邊好脆，個心就好香熟，加埋堅果好有咬口。炒蛋好滑，唔會太實，配左d胡椒更香。沙律菜清新都新鮮，自製薯角幾特別，形狀扁扁地，薯仔味好出，真材實料，食到薯仔肉。大啡菇就炒粒，菇香好出但唔會蓋哂其他食材嘅味道。 飲品一杯叫左凍碳燒杏仁鮮奶咖啡，微微嘅杏仁香，碳燒咖啡加多左份特別嘅香濃。仲試左啖友人熱日本抹茶桂花鮮奶，桂花味道比想像中突出，搭配抹茶同鮮奶，飲落好舒服，味道有驚喜，值得一試。 食物有水準，飲品多選擇有特式，絕對係有誠意嘅餐廳～