古早味台灣原味 (已結業)

尋找台灣菜 選擇多 優錢又實惠 份量夠大 快靚正 回味無窮【古早味】‼️‼️嚟到銅鑼灣嘅京都廣場，真係超多嘢食，花多眼亂之下揀咗久違了的台灣菜，位於樓上舖嘅【古早味】店內燈光比較昏暗，好適合情侶浪漫約會聚餐😝菜式嘅選擇好多，優錢經濟實惠，起菜又夠快，仲每樣都大大份，抵！羊肉爐火鍋🍲見到門口貼曬報導同Poster之下決定要食佢😆真係無令人失望！羊肉份量好多，新鮮嫩滑無蘇味～羊肉好入味，配埋腐乳醬食好正。鍋內嘅配料都好多，腐竹冬菇等都夠林，好惹味！配料係自助形式好貼心干貝櫻花蝦荷葉飯一上枱’哇’咗一聲，好大盤，2個人食都有d多😮賣相好吸收，表面佈滿櫻花蝦，仲有陣陣嘅荷葉香，飯入面仲夾住少少臘腸粒，夠曬開胃。櫻花蝦好有口感，配埋荷葉飯一齊食香口又爽脆！麻辣腎片做小食好啱，夠麻又吾算好辣，醒神！腎片夠爽口，吸曬d辣汁之後好入味，同樣都係份量好多。手工綜合芋圓芋圓迷必試，係芋圓大雜燴😂芋圓夠軟糯，有咬口。除咗芋圓外，其他配料都好多，有仙草、珍珠同紅豆等！甜度都剛剛好，吾算好甜。