蝦麵店 (荃新天地) (已結業)

之前有去過馬來西亞留學一段時間，有時都幾掛住個邊嘢食地道嘅風味🤤 今次咁啱經過一間食馬來西亞嘢嘅餐廳，一於試試佢，睇下有冇當日嘅味道！-辣味大蝦蝦湯麵 ($72) 湯底呈紅色，偏甜。好濃蝦味，感覺擺左好多蝦頭蝦殻去煲依個湯底😍真係鮮味十足！辣味反而唔重，但都有淡淡嘅辣椒味，唔食得辣嘅朋友仔仲可以叫少辣添！至於隻大蝦係新鮮嘅，肉質都算爽口。另外一個主角咖哩喇沙雞絲雞蛋麵($64) 加墨丸(+$7) 湯底充滿椰奶同香料味，黃薑味最為突出🌟 飲落厚身濃郁。唯獨墨丸麻麻，口感有啲粉。大家可以用炸魚皮浸1-2下個湯泥食，等啲魚皮可以索下啲汁，食落脆口得黎仲掛滿喇沙湯汁❤️