由早開会到晚上, 己七時多, 肚咕咕響, 一於拋下手頭工作跟同事齊去揾食.
同事建議東南亞菜, 得知公司附近有間, 環境不錯呢!
餐廳装潢甚有氣派, 濃厚泰國風味. 卡坐還大大張頗舒適.
同事發辨我懶得去理, 一於舒舒服服坐係到等食….
香芒軟殼蟹米紙卷
米紙卷煙煙靱靱勁有嚼口
軟殼蟹軟熟又不油膩
有點可惜是芒果味不夠突出
鮮蝦柚子沙律
全碟鮮蝦只二隻, 份量有點少
巴東牛展
惹味的巴東醬汁, 跟沙爹醬汁有點相似
牛展軟腍巳吸盡巴東醬汁的精華, 讚!
印度酥餅
熱辣辣, 醮巴東醬汁最美味
參峇炒洋角豆
洋角豆即秋葵, 最喜歡秋葵那滑潺潺, 黏黏的口感.
調味方面比較鹹了點, 美中不足
