砂煲兄弟 (東港城) (已結業)

最近keep住落雨涼涼地突然想食 d熱辣辣暖笠笠嘅野，經過哩間菜餐廳，見佢有煲仔飯，唸都吾唸就入去喇！煲仔飯款式算多，除左有傳統款式嘅煲仔飯, 仲有異國風情煲仔飯。不過我都係鍾情臘味煲仔飯$68。 可惜冇臘鴨,如果有埋臘鴨就好啦！一放個飯上枱覺得賣相都唔錯， 可惜聞吾到臘味嘅油香同飯香。 臘腸同臘肉都偏鹹，飯亦唔夠乾身 同冇咩飯焦。 唯一讚嘅係豉油嘅鹹味剛剛好唔會過鹹。無論如何， 個人認為煲仔飯一定係用傳統瓦煲炭火煲最好味😋。 不過暫時止止心癮先啦😍。