御石燒 (已結業)

之前係日本食過好好味嘅石燒牛，念念不忘，就決定係去位於廣華街嘅御石燒，估唔到味道都唔錯，令我係香港都可以再次食番美味嘅燒牛。御燒極上級黑松露吉列牛用牛嘅油脂放係石板上燒到出油，再將肉放係熱石上面燒，個火都幾大，唔驚好快燒燒下就唔熱，將吉列牛每面燒三分鐘就可以食啦。黑松露味道幾香但唔會搶過牛肉嘅味道，燒完之後牛肉口感夠軟，吉列嘅外衣又夠脆，口感同味道都好配合。另外仲加左紫菜味素飯，吉列牛就咁食就已經好好食，撈埋味素飯同吉列牛一齊食就更完美。蒲燒原條鰻魚飯鰻魚份量幾巨大，蓋過左成個飯，鰻魚上面灑滿左木魚絲同紫菜，鰻魚汁夠撈飯，亦都可以升級做紫菜味素飯，配埋流心蛋麵豉湯就更滿足。