Hero Sandwich (已結業)

同好姐妹到荔枝角揀完姐妹裙，到D2 place覓食，有朋友推介呢間hero，就試下呢個英雄有咩整得好食。安格斯牛肉漢堡，漢堡包香脆，上枱仲係暖身既，牛肉肉汁都算豐富。Fish and chips 係意外驚喜，一心諗住只係小食，點知真係好似英國傳統咁大大件炸魚柳，而且炸得好香口，炸粉唔會太厚，正宗外脆內嫩。海鮮risotto，個飯好creamy，海鮮份量亦唔少，帶子當然繼續係最愛。另外仲要左個墨汁意粉，海鮮份量又係俾想像中多，整體不過不失。總括黎講，食物水準不俗，價錢就唔係特別平，不過share黎食其實都ok。呢位英雄，都可以拜會一下。