蓮香樓 (已易手) 新餐厅

講起飲茶文化，好自然就會聯想起廣州蓮香樓。廣州的蓮香樓的確系開咗呢個風氣，而且經歷百年而不衰，成為嶺南飲食文化既一大代表，甚至系外國人眼中既中國傳統飲食文化既一個符號。可惜既系廣州蓮香樓即使經歷國民政府、日本侵華時期都得以倖存落嚟。但就系國民政府戡亂失利之後，阿共建立赤色政權，大搞公私合營，廣州蓮香樓雖然能夠保留落嚟但系宜家系点你懂既。唯獨系香港既分店得以繼續發展，將呢種文化繼續發揚光大！今次我有幸嚟到香港蓮香樓飲茶，感受如同百年前一樣既氛圍，時間好似凝固咗咁。飲茶唔單只系食個包，嘆壺茶咁少野，而系搵到系鬧市中既個一份安逸。講起今次系蓮香樓食既野就真系好正咯，上文已經講到d氣氛，宜家我就講下d野食。首先系茶既方面講喇，d茶就水滾茶靚，我點既系普洱，好濃郁，久沖不淡，系上等野。我覺得蓮香樓既茶葉唔系就系就咁採購翻嚟再沖畀我地咁簡單，應該系有調教過d茶葉，即系有師傅專門去溝d茶葉咯，如果唔系，系無可能有那個效果咯。講完茶，宜家講點心喇，傳統既亁蒸蝦餃燒賣就唔使我講都知到好食咖啦。我最中意就系呢都既豬潤燒賣，d豬潤系用薑汁一齊蒸既，完全無曬d豬臭味，真系好鳩正！仲有就系d腸粉，夠厚道，夠滑。