阿元來了 (鴻圖道)

今日喺觀塘附近做完嘢，即刻搵吓附近有咩好食，突然醒起有間鋪係早排ViuTV iSwim 喺附近有套戲拍過，即係李馬榮同Miss 翁成日嚟果間，即刻去試吓🤣🤣

一入到去即刻勁有台灣feel !! 好掛住台灣 ！即刻叫咗黑糖珍珠奶茶，芝士蛋餅頂吓癮！好好味呀！
仲有滷肉飯，啲滷肉飯唔會太肥或者太漏，細細碗岩曬我！炸花枝丸好彈牙！但反而有個腩肉唔知咩小吃就得個肥字，side 咗幾十蚊🥹

我哋4個人叫咗6-7樣嘢，食咗3百幾蚊，又唔洗等位，都算抵食！