鼎泰豐

营业中

休息中

黎開呢頭，都會食鼎泰豐，唔使點等位，又坐得舒服d既中菜。每次都一定會叫小籠包，同其他餐廳一樣，其他口味既小籠包都係一試無妨，不過唔算好特別，所以之後每次encore都係原味小籠包，皮薄可以鎖住肉汁，點上醋再一啖入口，美味依然。之前試完鹹味小籠包，今次試埋荔芋小籠包，好有驚喜，好好味😋一向都唔係特別鍾意芋頭產品，但呢款芋泥香棉幼滑，甜味適中，一人食三粒都唔會膩，仲覺得唔夠喉，下次要一人一籠。台式紅燒牛肉湯麵都幾足料，有腩有筋，炆得好冧，但依然保留到牛肉味麵身軟硬適中有咬口，湯底濃郁，係會唔小心飲曬湯底。蝦肉餛飩湯麵味道不過不失，食到蝦肉，湯底清清地易入口。