食之劇場餐廳 (已結業)

星期五係應該食好啲～ 今次去咗入西貢食廚師發板。餐廳環境闊落，感覺好休閒！都有少少少少少少去旅行嘅感覺～一開始先有青森県日本直送嘅礦物質水，無雜味，係好清嘅清水，好適合菜式之間清口腔！之後有茶碗蒸同埋三款前菜，炸白飯魚紫菜香脆可口，薩摩番薯香甜軟熟，合桃小女子魚（ 小女子係魚名）味道幾特別！跟住兩款刺身都令人好滿意北海道牡丹蝦非常鮮甜，大拖羅油脂滿溢，入口即溶，魚味濃郁燒物係汁煮油甘魚餃配牛蒡，配合上面既柚子絲食，酸酸甜甜更開胃。壽司6貫，每一件都有驚喜！真鯛配黃柚子皮味道清新。左口魚配燒左口魚邊，兩種口感，好有心思！燒鯖魚配日本葱，醃過嘅鯖魚囗感結實，味道好好！醬油熟成拖羅經7日熟成，味道更加濃郁突出！間八唔係成日食到，魚味好濃，口感好特別！最後係葱拖羅手卷，肥美嘅拖羅食完之後依然齒頰留香❤️最後仲有京都豆乳黑豚湯同埋芝麻雪糕。享受左兩個鐘嘅午餐，好滿足。