小時光 (已結業)

話說同班老友成個月都無見，今次點都要出黎gathering下。同往日唔同，我地今次無揀快餐店，或者普通cafe歇腳 ; 反之，我地4個走左去偏遠嘅觀塘食lunch。<<小時光>>尼次畀我嘅印象實在太深刻啦！因為我地4個朋友之前一齊去過台北旅行，共同編織左唔少美好回憶，所以今次去番尼間有台灣氣息嘅小店，我地都自不然諗起我地嘅過去......嘻嘻…我地係一張有台灣國中情調嘅木枱木櫈，開心點餐。經過內心嘅一番掙扎(因為我咩都想食)，我order左一份「香酥雞便當」。佢啲炸雞真心好正，好有台式香脆風味，而且成份雞好大碟，真係絕不欺場。之後，我又叫左杯「蜜瓜latte」。成杯野少少甜，岩岩好。唯有美中不足，就係我地要飲得快，因為我地坐低吹左陣水之後，杯野就凍哂，得番啲泡係度，好似好難再入口咁。Anyway, 今次嘅體驗真心唔錯! 我地都好開心，搵番半年前一齊刻劃嘅美好回憶。