Times Coffee

营业中

休息中

觀塘呢家工廈有唔少文青小店，下午茶想搵地方抖抖，期間見到美興工廈有間，就入去坐下。一嚟就叫左杯白桃烏龍茶同Mocha。白桃烏龍唔太甜，凍冰冰啱哂呢家嘅天氣。mocha拉花好打卡able，咖啡唔算濃味，令到奶味幾出，我朋友就覺得淡身，但我就覺得入口好滑幾舒服。我地叫左兩個tea set，勝在可以share。首先明太子甜不辣有少少辣😂，但個汁同薯條就好夾，酸酸甜甜可以解油膩。另外個炸雞好抵讚，炸到有肉汁得嚟又唔會死實實，配味合適。至於炸番薯甜度適中，無炸到好硬，中間仲有軟身，幾好。呢間餐廳下午茶嚟講都幾好，環境舒適，小食飲品同朋友吹下水就個幾鐘，我仲見到有人帶寵物嚟影相，應該都係🐶狗主人嘅集中地，推介大家過開嚟想搵地方休息下嘅話，可以嚟試下。