港畔餐廳 (已結業)

睇報紙介紹做緊鵝肝promotion，我同best fd honey都係勁鐘意食，所以一早訂定位，雖然係星期六，我以為會冇乜人，原來有好多一對對情侣o黎，只得我o地兩個女仔，好似怪怪地。先o黎餐前麵包，又熱又脆好好食，而且仲有雞心豆醬、鮮蕃茄醬同牛油搽，以蕃茄醬最好食，真係有好濃烈的鮮蕃茄味。一場o黎到當然係食鵝肝啦，我o地叫了三個頭盤，首先係每人一個扒鵝肝配無花果及砵酒汁，食唔都有酒味，而無花果甜甜酸酸幾醒胃，鵝肝本身幾靚，煎得又剛剛好，只可惜好細塊，唔多夠喉。香煎鵝肝配芒果意大利飯，我o地好奇怪點解呢個係作為頭盤，原來個飯份量好細，每人得兩三匙，這塊鵝肝同樣入口亦溶，不過d飯就麻麻，得過諗，沒有原有意大利飯的質感。當然唔多夠飽，再叫多個頭盤，係鵝肝配牛柳，best fd honey話要5成熟，我嫌太熟，3成就差不多。點解一切開似7成熟有多，而且略韌，有渣亦有根。而今次塊鵝肝亦麻麻，同樣係煎得過熟。最後本來想食甜品，得5款選擇沒有一樣吸引，唯一一次冇食到甜品。其實價錢幾貴而且唔太抵，因為每碟份量都係好細，幸好信用卡有9折，如果唔係每人要over$400。