北海道牧場餐廳 (已結業)

星期六無無聊聊四圍行，喺中上環實在太多好野食，要上樓上鋪食真係要有極強信念......食炒蛋！叫咗個套餐，有西班牙蕃茄餐肉通粉、火腿多士炒蛋同熱飲。蕃茄通粉蕃茄汁好濃，但就冇咩蕃茄肉，已經比某鄰近鐵皮鋪蕃茄湯底比下去，用得西班牙茄醬但餐肉卻十分普通，不是味兒。多士厚切非常軟淑，但烘得唔夠脆，牛油亦下得太小，只佔多士中間一部分，多士邊只能食乾麵包。炒蛋十分香滑，蛋味足，亦有牛奶香味，完全滿足左嚟嘅目的。一個餐$38以份量及水準嚟講比一般茶餐廳似乎貴咗啲，但以中環嚟講就算經濟了。