影片
更多
2017-09-30
443 浏览
星期六、日食乜好？留意到屯門黃金海岸商場有一間日式餐廳，聽聞有個驚天地泣鬼神嘅限量丼～龍蝦松葉蟹爆丼$388，原隻龍蝦喎！諗下都興奮...只可惜到步後發現...原來所有丼，星期六日晚市都不作供應，一場嚟到，超失望！唔緊要，總有啲係啱食嘅～「一浩」係一間地鋪，有前後門出入口，店鋪面積超大，大到有點誇張，非常寬敞！裝修有啲酒吧feel，因為真係有個擺滿酒嘅吧位。星期日嘅晚市時段食客超多，好似需要預約...幸運地等左一陣，終於可以入座。座位相當闊落，餐牌以黑色背景為主，略嫌餐廳燈光太強太猛，令到餐牌反光，睇到相當辛苦。由於啱啱食過下午茶嘅關係，所以都唔係好肚餓。揀左一個刺身盛、牡丹蝦壽司、生赤貝壽司，原本想要多兩碟海膽軍艦，可惜當日缺貨...餐具擺設有心思，調味架好靚，可惜底下好多豉油漬，礙眼！可能人比較多，落單後，等待食物上檯需時，但仲係滿心期待！第一道上檯嘅係牡丹蝦壽司同生赤貝壽司，雖然只得兩件，但擺法有經心思，賣相唔錯！果然牡丹蝦同生赤貝都好新鮮，味道超鮮甜，口感爽彈！超正！由於第一道菜式太出色，所以更期待下一道！可能太有期待喇，反而比較失望，刺身盛嘅質素竟然同出面嘅日式放題質素差唔多
留意到屯門黃金海岸商場有一間日式餐廳，聽聞有個驚天地泣鬼神嘅限量丼～龍蝦松葉蟹爆丼$388，原隻龍蝦喎！諗下都興奮...
只可惜到步後發現...原來所有丼，星期六日晚市都不作供應，一場嚟到，超失望！
唔緊要，總有啲係啱食嘅～
「一浩」係一間地鋪，有前後門出入口，店鋪面積超大，大到有點誇張，非常寬敞！裝修有啲酒吧feel，因為真係有個擺滿酒嘅吧位。星期日嘅晚市時段食客超多，好似需要預約...幸運地等左一陣，終於可以入座。座位相當闊落，餐牌以黑色背景為主，略嫌餐廳燈光太強太猛，令到餐牌反光，睇到相當辛苦。
由於啱啱食過下午茶嘅關係，所以都唔係好肚餓。
揀左一個刺身盛、牡丹蝦壽司、生赤貝壽司，原本想要多兩碟海膽軍艦，可惜當日缺貨...
餐具擺設有心思，調味架好靚，可惜底下好多豉油漬，礙眼！
可能人比較多，落單後，等待食物上檯需時，但仲係滿心期待！
第一道上檯嘅係牡丹蝦壽司同生赤貝壽司，雖然只得兩件，但擺法有經心思，賣相唔錯！果然牡丹蝦同生赤貝都好新鮮，味道超鮮甜，口感爽彈！超正！
16 浏览
0 赞好
0 留言
由於第一道菜式太出色，所以更期待下一道！
20 浏览
0 赞好
0 留言
可能太有期待喇，反而比較失望，刺身盛嘅質素竟然同出面嘅日式放題質素差唔多，除左帶子味道比較賞心，其他都很一般！原本以為中間特別用花瓣形粉紅碟仔裝住嘅魚生最矜貴，點知反而係味道最差嘅一味！魚筋非常多，好似嚼橡筋一樣，嚼極都未爛...劣！好難食，咁下欄嘅嘢都可以擺上碟俾客食，師傅係得嘅！
原本打算叫多樣檯檯都必叫嘅壽司長卷，奈何試完個刺身盛後都冇曬期待，無謂再叫自己個胃活受罪喇。
餐廳侍應生都好有禮貌，但可能地方太大太多座位，所以有啲覺得人手不足，想搵人加茶都需要啲時間。
感覺一浩想行日式高檔路線，只可惜質量未達標，高尚價錢，放題質素，賣相固然重要，但味道才是重點，高檔路並唔易行囉。
张贴
