打開menu後發現實在有太多不同種類嘅漢堡。見到牛肉漢堡又好想食。爭扎了一會，最後都係叫返龍蝦漢堡，因為佢係我今次黎嘅目的😌再加多個沙律咁就開心晒😆
軟殻蟹沙律 $112
黎到發現原來好大碟。仲有兩大舊軟殻蟹。蔬菜夠新鮮爽脆，加埋酸醋就非常開胃。軟殻蟹都幾鬆脆，但略嫌軟殻蟹有點太油。一咬嘅時候，d油鏢晒出黎。如果可以少油d就好。
龍蝦漢堡 $198
我每次食親漢堡，都只係會食牛肉漢堡。因為貪佢啖啖肉，又濃味。
平時我視龍蝦為上等食品，因為唔會可以隨時都有得食。今次係第一次食龍蝦漢堡。齋聽個名都覺得霸氣。見到真身簡直不得了。成個龍蝦頭砌出返一個龍蝦型😎
成舊龍蝦肉起左出來整漢堡。我忍不住細口咬左一啖龍蝦肉，原來已經調好了味道。鹹鹹的，但又食到鮮甜味道。肉質又爽口👍🏻加上生菜，蕃茄同蕃茄粒粒，牛油果醬，然後一啖一啖咁配埋龍蝦肉一起食，你會一路食一路享受著那份味道同口感。真係好好味😍😋我要讚漢堡入面的牛油果醬，同蕃茄粒粒。蕃茄粒粒係應該有用醋拌過的。所以一路食一路令我更開胃。而牛油果醬，就增加了食物嘅幼滑度。👍🏻
1
2
食漢堡當然要飲有汽嘅飲品，所以就叫左枝 Apple Cider。全部俾我一掃而空。滿足地離去😊
