Oui Oui Bistro (已結業)

聽朋友講過呢度egg benedict做得特別好，所以趁要去長沙灣廣場果時就順便黎食。切開我無影到，但同睇食評見到既相一樣，流心既蛋黃係好杰身，用上既雞蛋質量有一定水準，因為杰身蛋黃好有蛋味。而hollandaise sauce亦帶微微酸，果然係佢名物，但egg benedict 呢樣野對我黎講係咪真係要咁山長水遠食呢，個人唔認為啦，但朋友就覺得值過海黎的。所以我都係鐘意食正餐，有d意外呢個卡邦尼汁帶酸味，問清楚之後確定係加左檸檬汁落去，呢個組合對我黎講好新奇。西多當然唔係港式啦，做得好鬆軟，而且蛋漿帶上蛋香果種。若然環境光猛小小，我真係覺得呢度會係一個幾好既地方，但憑食物質素都足以介紹了。