Wingman (已結業)

由細到大都好鍾意食雞翼，知道呢間餐廳有雞翼放題，成日經過旺角都好想過嚟食吓，今日終於有機會可以啦。佢嘅放題分咗好多類型，最平嘅價錢可以食到三款味道雞翼嘅放題。今日唔算好肚餓，試咗佢哋嘅漢堡同埋雞翼。雞翼我哋嗌咗蒙古燒烤味同埋蜜糖芥末雞翼，全部都係即叫新鮮即做，所以要等兩至三個字，但係出到嚟味道真係好入味，蜜糖芥茉雞翼正常發揮，甜甜地之餘仲可以自己加多減少芥末。蒙古燒烤味食得出有好大陣孜然粉嘅味道，食落去香氣逼人特別惹味。另外我哋嗌左超級辣嘅Nashville crunch burger, 佢嗰種辣又辣又爽，要一邊食一邊飲嘢，而且配菜薯條都係新鮮炸好，呢個漢堡真係令人一試難忘。