小泰閣 (已結業)

小泰閣， 一睇名就知係食泰國嘢，佢話自己係雞飯外賣專門店， 咁就梗係要試吓佢招牌嘅牛腩湯河加配白切雞肉一份牛腩入味軟嫩，完全唔會覺得柴，有少少筋位連住，好好食， 應該係畀咗牛筋腩我呢。白切雞肉應該係雞扒位， 小店處理得好好， 軟滑之餘仲有少少肉汁， 雞皮下無脂肪嘅， 食埋都唔會覺得邪惡。雖然叫咗清湯湯底，但比我想像中好過唔少泰式湯河店， 相信係自家製嘅牛骨湯底嚟， 由於預設係放咗幾粒指天椒入去， 如果唔食嘅就預先講聲啦。 跟餐仲有一杯無糖綠茶， 可以選凍或熱可惜無得堂食， 想食嘅朋友就要搵定地方開餐啦