柳氏家 (已結業)

做左兩日廿四孝女友後，今日同男朋友嗌交。一於化悲憤為食量，自己嚟食想試好耐嘅柳氏家。除左知道佢係牛角集團外，其實我計佢食咩都唔知，見佢喺荃灣開左，一於試下啦。嚟到先知原來係任食韓燒嚟，佢自助吧都好多嘢食。除左以上嘅肉啦海鮮同蔬菜類，佢仲有兩台果汁飲料機同一部雪糕機。開餐前飲碗牛肉蘿蔔湯，蘿蔔無渣，好清甜，好好飲。你揀好你嘅餐要咩味道後，職員就會送上嚟，同時教你一次點樣炒。基本上佢會包左炒雞腿肉，一啲菇，年糕同一個拉麵或飯。我就揀左拉麵同埋加左個大八爪魚。其實佢都唔洗教我炒架啦，因為職員會好貼心咁幫你炒埋剪埋😂基本上我今餐係食殘廢餐🤣🤣🤣另外職員仲會提供埋圍裙俾你，等你唔洗彈到成身都係，好體貼呢。個麵吸晒啲汁，好好味。我喜歡食韓國拉麵因爲佢點煮麵係咁彈牙。而個八爪魚都好彈牙，啲雞肉都好入味。我嗌左烤肉味，小小辣，正👍🏼好啦食完第一round嘅炒雞同麵後，輪到round2嘅烤肉啦！自己想食乜就出去攞，我淨係攞左小小海鮮同雞，出面仲有豬同牛，但因為我都有七成飽了，所以就冇試到。呢度好好，會有張米紙俾你隔一隔，唔似其他韓燒要收費。最後食埋個雪糕做甜品，士多啤梨雲尼拿酸酸甜甜咁，乜氣都消晒啦！好