日牛涮涮鍋專門店 (已結業)

好耐無打牛肉邊爐，同朋友慶祝生日，就揀咗呢間。睇啲comment好似麻麻，又唔係，都ok。我地差不多8點半先到，有位可以入。算大，枱同枱之間唔會太窄。坐落先知一人一鍋，自己揀湯。佢限每人一隻碟用嚟食物，記得拎埋出去。(^O^)我地要左日牛加牛舌，我揀左我必點嘅醬油湯底。90分鐘係由入場計，食盡啲記得一早睇定，入場即點。一人一鍋嘅好處就係自己想控制個火同食物嘅熟度，呢樣係幾好。食物飲品算係多選擇，係雪榚得乳酪唔多夠喉。牛ok，好味，牛舌正常。要讚一讚個豬，比想像中好味，雞夠滑。喜歡食芝士類材料嘅記得要拎嚟食，同埋葛粉，煮夠佢十分鐘，好好味！一個人200蚊唔駛，其實係幾唔錯。職員講夠鐘個下都幾突然，態度亦麻麻，呢個真心扣左分。