戀上台式料理 (已結業)

今日約咗個朋友仔喺將軍澳聚會，佢就話帶我去試一間環境好舒服嘅台式料理餐廳，咁我哋就出咗地鐵站之後呢向住海邊個方向，行大約十分鐘之後就見到我哋嘅目的地,原來係一間以開放型式經營嘅餐廳,客人可以選擇坐喺戶內或者戶外！因為今日天氣好好又有啲秋風吹過嚟我哋就選擇比較座喺近戶外嘅位置！可以一路感受下秋天嘅感覺同埋品嚐台灣嘅美食！我就叫咗個酸菜魚滷肉飯,滷肉飯飯香噴噴又唔算太油膩,仲有啖啖肉香,酸菜魚就唔算太辣,仲配埋好多嘢味香口嘅配菜！而我朋友就叫咗個鵝肝蚵仔滷肉糖心蛋飯,肥美嘅蚵仔配埋濃沃嘅滷肉飯真係有絕味嘅配搭！我哋都叫咗個台式鹵水雞翼小食，香濃嘅鹵水汁融入曬雞翼入面！最後加埋我呢杯百香果嘅梳打，係呢個舒服嘅環境可以同朋友小聚閒聊一下真係一件樂事！