台式雲吞麵有幾粒小雲吞，麵比較淋身但係個湯又好好味。而且最鍾意係佢啲紫菜，甜甜地好好味😋
滷肉飯係偏鹹啲嘅，但係都唔算太油，因為出面好多滷肉飯都超油架😫初初望落去好似滷肉汁唔多，以為比較乾，但其實個底都有好多汁，食到尾都唔會乾爭爭👍🏻
紅油雲吞真係有啲辣，唔係講笑架，見到一粒粒辣椒籽。我自己唔太食得辣就唔會太okay辣咗少少，當然鍾意食辣嘅朋友應該鍾意~
鹽酥雞真係好鬆脆啊，而且亦都好惹味，不過我唔鍾意芫荽架...佢放咗唔少喺底就有少少重味啦！如果下次冇見唔使喺底就好啦！
黑糖珍珠鮮奶真係好有黑糖味，珍珠好煙韌，細細粒都好易食。❤️
冷泡桂花烏龍茶茶香味較淡，不過大大樽清清地好好味。唯一要挑剔係個樽口太大，個蓋唔係好好扭呀🤔 希望有改善啦~
