小江南 (已結業)

我真係好鍾意食麻辣米線, 見將軍澳都竟然有間打正旗號食麻辣米線同湯飯嘅, 就梗要試下啦, 我就叫咗一碗三餸米線, 有鹵水牛展; 鹵水雞翼尖同貢丸 + 勁麻辣湯底, 我老公都叫咗個宵夜餐,好似叫芝士汁煙肉撈公仔麵, 然後仲有叫咗兩個小食, 口水雞同蒜泥青瓜我果碗嚟先, 個樣幾好喎, 唔會好似雲貴川咁成吋油浮面, 感覺冇咁罪過(要食辣又唔想食咁油嘛)鹵水牛展…口感唔錯, 好味鹵水雞翼尖…都好味, 唔會好似鹵到溶晒咁, 仲食倒肉嘅貢丸…好好味, 好彈牙, 好香啲唔知咩菇味, 差啲想問佢喺邊度入貨米線…同雲貴川有得揮, 滑一滑勁麻辣湯底…好過譚仔多多聲(得個鹹), 但冇雲貴川咁香(我食大辣), 但以佢勁麻辣湯底嚟講又冇咩油嘅我會投呢間野一票, 夠麻又夠辣, 一路食一路標汗, 好刺激, 如果可以Keep倒水準的話, 以後辣引起我可以唔洗出紅磡而我老公果碟我冇食過, 但佢話都幾好味, 夠芝士味同公仔麵軟硬適中。口水雞…皮同肉都好滑喎, 不過味道比較淡蒜泥青瓜…好味, 蒜泥味入啲青瓜度, 下次要再叫食完走果時見倒人地食湯飯, 好似幾靚仔咁, 下次都想試下