湯•米 (已結業)

今日去咗帝景灣探朋友，順便喺佢屋企樓下商場一齊食埋飯，朋友話好想食台灣臭臭鍋，所以就喺呢到開飯啦！我就叫咗個酸菜魚烤魚鍋 $98 ， 本身唔係太食得辣嘅我叫咗小辣，估唔到個酸菜魚唔錯，湯底酸酸地辣辣地好開胃，魚肉$98來講都算係咁，好大一舊，份量超級足夠。另外食火鍋點可以唔叫嘢飲呢，我就叫咗一杯百香果水果茶，百香果唔會太甜，好香嘅百香果味，用黎食火鍋解膩最啱㗎啦。一個人大概$120左右，晚餐來講都算好抵食，除咗火鍋之外仲配埋飯一碗，如果唔想食白飯嘅話，都可以免費改做粉絲。