蒲羅

营业中

休息中

呢到個環境都好舒服，有卡位。兩個人下午食左一個蒲羅喇沙摻摻，賣相都幾靚，有蝦、蛋、魚蛋、魚片、芽菜、豆腐卜、峴，喇沙湯底濃郁。食摻摻都幾好，兩溝有油麵同米粉，混合不同粉麵，有唔同既口感。另外叫左海南雞配雞油飯(配魚湯)，海南雞既份量都唔少，而且夠滑，配埋三色醬汁食好惹味。飯有淡淡雞油香、香茅同紅蔥頭嘅味道。無味精嘅湯底，魚湯味濃，同時有海底椰鮮甜味道，值得一試。跟住叫左一個櫻花蝦青木瓜沙律，酸甜爽辣脆，加埋啲花生碎同埋車厘茄加埋啲醬汁撈埋幾好開胃。另外叫左杯熱桔仔話梅水，同埋凍班蘭薏米水。飲完幾舒服。