樂天皇朝 (將軍澳中心)

营业中

休息中

平時都好少喺將軍澳食中菜，因為好多時都只係得酒樓選擇，將軍澳中心裝修咗咁耐，而家終於開返入面原來都幾多新店，今晚就決定去食呢間樂天皇朝。都有唔少嘅菜式選擇，但主要都係上海菜同埋四川菜。不過嚟到就梗係要試下八色小籠包， 八種唔同嘅味道，配上唔同嘅外皮，顏色豐富，好吸睛，味道亦都好豐富，包括有：麻辣、人參、黑松露、鵝肝、蟹粉、芝士 、香蒜、原味， 而我就試咗鵝肝同人參，人參味道好出， 帶有甘味， 都幾特別， 鵝肝味道好香，同肉餡都幾夾。前菜就叫左四川夫妻肺片， 牛展同牛肚辣得嚟好香口，而且肉切得夠薄， 味道唔錯。蔥爆牛肉， 牛肉嫩滑而唔肥膩，配上香甜嘅京蔥，炒得好有鑊氣，好適合送飯。宮保雞丁，肉粒好嫩滑，而且腰果好香口。平時都覺得將軍澳冇咩好嘢食，尤其是中菜，來來去去都係酒樓， 但估唔到 呢間樂天皇朝水準都唔錯，價錢算可以， 下次可以考慮下同屋企人再嚟食。