The Point - Pizza & Pasta (將軍澳中心) (已結業)

今日同媽咪去左將軍澳行街，聽聞將軍澳愈開愈多商場，而且人流愈來愈多，今日放假同媽媽拍拖，lunch time去個飽飯！The Point之前食過銅鑼灣總店，今日特登黎試下將軍澳新分店！環境好舒服，地方唔算好大但係空間感好足夠！我地先叫一個salad，火箭菜、合桃、啤梨配黑松露醋汁。味道好清新好開胃，火箭菜唔會有苦澀味，合桃香口香脆，醋汁酸甜加上黑松露菌香，好開胃架！之後我地叫左一個pizza。慢煮鴨胸、藍芝士、合桃、焦糖洋蔥，pizza面加上蜜糖香甜，鴨胸肉汁豐富唔會乾，味道香口，芝士拉絲份量適中唔會好膩，最愛批底夠薄夠香脆！pasta媽媽睇中左香煎虎蝦龍蝦濃汁意大利粉，龍蝦汁好香口，而且黏黏的包住每條意粉，調味得宜，虎蝦大大隻加上芝士焗得咸香，爽口好滋味！最後我地再叫左一個pizza甜品，批底同樣出色！最欣賞the point既食物呀！