熊小館 (已結業)

喺將軍澳剪完頭髮都已經2:00 ，啱啱好去食下午茶。行去新都城2樓見到間叫熊小館嘅餐廳，入邊放咗好多小熊公仔🧸，見佢有提供下午茶就入去試一試。下午茶都有幾多款選擇，有多士、焗飯等鹹點，仲有甜品🍮。另外每個餐都包有熱飲或者加$3轉果汁。📍唐掦炸雞扒飯配燒汁（$45）炸雞夠脆亦夠味🐓，肉質唔錯都夠滑，不過冇平日啲唐揚炸雞咁Juicy，3大件分量嚟講都唔算少。個飯配咗個頹飯蕃茄汁🍅，味通普通唔夠惹味，另外再加有少量蔬菜🥬，食得飽人但唔係好特別。📍自家製心太軟（$42）心太軟旁邊配有蜜桃同一pat cream，雖然賣相有少少頹但味道反而有驚喜😚。切開後朱古力醬瘋狂咁流出嚟，流心程度高到嚇死你，食落朱古力味好濃郁🍫都唔錯。