District 8 (藍塘傲) (已結業)

而家將軍澳海旁開咗好多新餐廳，所以搵日放假就去試下。睇咗幾間都係西餐，唔係 pizza pasta 就係牛扒。見到呢間個裝修幾似法國小 bistro 嘅感覺，選擇亦都好似多啲，就揀呢間試下。

老婆話想食生蠔同埋牛骨髓，所以叫咗兩樣做前菜。生蠔夠 creamy，平時食都係落兩滴檸檬汁，今次手痕試咗幾滴 mignonette sauce。出乎意料地咁夾。

鴨肉不嬲都係我嘅至愛，但係坊間好少餐廳做得好食。呢度嘅 duck breast 非常有驚喜，皮脆肉嫩，佢嘅煮法比一般嘅生，所以如果怕生嘅就未必啱食。

呢間一定係會經常幫襯嘅餐廳之一

平時食生蠔都係落兩滴檸檬汁，今次手痕試咗幾滴 Mignonette sauce。出乎意料地咁夾。

估唔到呢度都有得食牛骨髓，老婆話想試下，連埋 toast 食都略嫌太鹹。

靚嘅鴨胸真係唔使煮得太熟，呢間嘅出品係比市面一般嘅生，waiter 都好細心咁提一提。

純粹個人喜好，覺得超好食。醬汁味道啱啱好，加埋寬條麵嘅煙韌，超正。

一個太甜，一個太酸。反而伴碟個 yogurt 好好食。