影片
更多
2021-07-22
402 浏览
星期六又同呀媽去咗將軍澳行街，今次發現原來Donki嗰層穿出去過橋有幾間餐廳。第一間見到嘅餐廳係「緻」居酒屋🏮，佢連週末都有做午市套餐，於是就決定一於食佢。餐廳面積比想像中細，座位唔多，不過裝修都唔錯嘅。佢門口放咗張高枱，原本心諗咁熱邊有人坐㗎，但忘記咗其實係為毛孩一家而設🐶。午市定食有八款選擇🍱，由$68至$138不等，款式涵蓋沙律、魚生丼飯同熟食類。同時，佢亦設有午餐二人前，內容幾豐富，每位承惠$188。網燒厚切美國安格斯牛西冷丼定食($138)，唔好話我馬後炮，睇西冷牛個賣相都已經覺得好正😋。牛扒切件排列整齊，份量超多，足足有成十二片。🥩牛扒燒至約五成熟，口感軟嫩，無筋，牛味仲幾濃添🐮，所以基本上配鹽或乾蒜片食已經好好味。我食埋成碗飯真係飽晒！緻·浦燒鰻魚定食($128)，鰻魚定食同西冷牛定食造型一樣，唯一唔同就係個主菜。🐟鰻魚以碟分開另上，有兩大塊，夾埋應該有成條。魚肉幾入味無骨，但略嫌唔夠多汁。定食另外包咗漬物、沙律、茶碗蒸同埋麵豉湯。當中嘅蒸蛋好滑🥚，而漬物唔止得酸，仲辣辣哋，幾開胃。飲品方面🍵，餐廳本身有提供麥茶，跟餐飲品要再加錢。我哋要咗凍檸蜜(+$8)同凍雜莓果茶(+
星期六又同呀媽去咗將軍澳行街，今次發現原來Donki嗰層穿出去過橋有幾間餐廳。第一間見到嘅餐廳係「緻」居酒屋🏮，佢連週末都有做午市套餐，於是就決定一於食佢。
餐廳面積比想像中細，座位唔多，不過裝修都唔錯嘅。佢門口放咗張高枱，原本心諗咁熱邊有人坐㗎，但忘記咗其實係為毛孩一家而設🐶。
午市定食有八款選擇🍱，由$68至$138不等，款式涵蓋沙律、魚生丼飯同熟食類。同時，佢亦設有午餐二人前，內容幾豐富，每位承惠$188。
網燒厚切美國安格斯牛西冷丼定食
$138
7 浏览
0 赞好
0 留言
網燒厚切美國安格斯牛西冷丼定食($138)，唔好話我馬後炮，睇西冷牛個賣相都已經覺得好正😋。牛扒切件排列整齊，份量超多，足足有成十二片。🥩牛扒燒至約五成熟，口感軟嫩，無筋，牛味仲幾濃添🐮，所以基本上配鹽或乾蒜片食已經好好味。我食埋成碗飯真係飽晒！
緻·浦燒鰻魚定食($128)，鰻魚定食同西冷牛定食造型一樣，唯一唔同就係個主菜。🐟鰻魚以碟分開另上，有兩大塊，夾埋應該有成條。魚肉幾入味無骨，但略嫌唔夠多汁。定食另外包咗漬物、沙律、茶碗蒸同埋麵豉湯。當中嘅蒸蛋好滑🥚，而漬物唔止得酸，仲辣辣哋，幾開胃。
飲品方面🍵，餐廳本身有提供麥茶，跟餐飲品要再加錢。我哋要咗凍檸蜜(+$8)同凍雜莓果茶(+$12)，前者正正常常，後者就麻麻哋，雖然係採用茶包，但唔知點解呢隻藥水味較重🙈。
總括嚟講，呢餐居酒屋午餐都唔錯，我對自己食嗰份牛丼好滿意🥢。如果去開將軍澳海濱，想食日本嘢的話，不妨可以考慮吓嚟依度，好寫意咁食一餐啊。
张贴
