A Tavola Bar & Grill (已結業)

將軍澳海旁除左可以行donki, 仲有好多餐廳都好吸引。見呢間環境好chill, 又有啤酒同cocktail, 就決定試下。餐廳有室外同室內座位，室外可以睇到海旁風景，仲係寵物友善，室內座位寬敞，一大班朋友都可以一齊坐。。Fish & Chips $198見到第一個反應係好大碟，有兩條炸魚，每條都成支叉咁長，薯條份量都好多。炸魚個魚肉好滑，用左啤酒炸漿，口感更脆更鬆化。他他醬好足料，同個魚好夾。。Half & Half Pizza $198Pizza都係超大份！Half & half可以揀兩隻味，唔怕選擇困難，揀左海鮮薄餅同四種芝士。海鮮有青口，魷魚，蝦，鮭魚等等。四種芝士嘅芝士味好濃好香。兩款嘅芝士都可以拉絲，勁邪惡。pizza餅底好鬆軟，唔會過乾，外面烤到微微焦脆。中間仲有一兜醬，點完更濃味。。Oreo Smoothie見到有smoothie, 所以放棄左cocktail😂oreo味唔錯，唔會太甜。