影片
更多
2021-07-21
43 浏览
又去將軍澳Donki 買嘢，順便喺附近搵嘢食，見到呢間西餐廳做緊special offers，dinner set都幾抵食，所以入去試吓 ᕕ(ᐛ)ᕗ.Prosciutto E Rucola 10" $130 🍕Pizza可以揀薄批或厚批，佢哋嘅薄pizza唔係好似餅乾咁薄脆，而係有少少厚度，批邊鬆脆有咬口，配料有Mozzarella芝士、Parma ham、新鮮火箭菜及蕃茄。Parma ham肉質柔軟口感油潤，加上半溶拉絲芝士，鹹香味十足，搭配批底酸甜嘅番茄醬，味道完全唔膩。.Dinner Set (1 starter + 1 main + 1 drink).Sea King Salt & Pepper $228 🦐有3隻大虎蝦，肉質結實彈牙，只用海鹽胡椒調味，唔會蓋過海鮮嘅味道，而且燒得啱啱好，帶燒烤香味又唔會過乾，配埋特製嘅檸檬牛油汁，更加提升鮮味。.Starter: NZ Mussels 💙紐西蘭青口鮮味肥美帶海水味，配上白酒及蒜蓉辣椒，蒜味濃郁帶微辣及酒香，白酒汁仲可以用嚟點法包食。.Drink: Blue Girl 🍺.Apple Crumble $58 🥧面層鋪滿香脆嘅cr
.
Prosciutto E Rucola 10" $130 🍕
Pizza可以揀薄批或厚批，佢哋嘅薄pizza唔係好似餅乾咁薄脆，而係有少少厚度，批邊鬆脆有咬口，配料有Mozzarella芝士、Parma ham、新鮮火箭菜及蕃茄。Parma ham肉質柔軟口感油潤，加上半溶拉絲芝士，鹹香味十足，搭配批底酸甜嘅番茄醬，味道完全唔膩。
.
Dinner Set (1 starter + 1 main + 1 drink)
.
Sea King Salt & Pepper $228 🦐
有3隻大虎蝦，肉質結實彈牙，只用海鹽胡椒調味，唔會蓋過海鮮嘅味道，而且燒得啱啱好，帶燒烤香味又唔會過乾，配埋特製嘅檸檬牛油汁，更加提升鮮味。
.
Starter: NZ Mussels 💙
紐西蘭青口鮮味肥美帶海水味，配上白酒及蒜蓉辣椒，蒜味濃郁帶微辣及酒香，白酒汁仲可以用嚟點法包食。
.
Drink: Blue Girl 🍺
.
Apple Crumble $58 🥧
面層鋪滿香脆嘅crumble，下面有滿滿嘅蘋果粒，果粒酸甜清新，肉桂味道唔算好濃，甜度適中，配埋雲呢拿雪糕就最perfect喇 (´∀｀)♡
.
總括而言：餐廳設計幾有格調，氣氛亦唔錯，戶外座位仲可以睇到海濱長廊風景。佢哋主打意大利+墨西哥菜，亦有酒吧供應多款酒類飲品。食物都幾有水準，尤其而家有special offers，dinner set 只要二百幾蚊，平時一個主菜都差唔多要呢個價錢，值得一試！
.
张贴
