形 (海天晉滙)

营业中

休息中

之前經過見到呢間主打日式串燒嘅酒吧覺得幾吸引串燒同酒類款式多，而且價錢合理除咗有波睇仲有桌球枱同鏢機，一次過滿足食玩飲😆而且無限時任坐仲通宵營業，啱晒同fd嚟傾計飲嘢嗌咗二人餐有大蜆味噌湯、串燒、燒魚、吉列蝦同炒飯，包兩杯mocktail，性價比高👍🏻🍢牛舌芯牛舌芯厚切，表面燒得脆身內裡仲有肉汁，只係鹽同黑椒調味已經好好味 🍢雞中翼食親串燒必點雞翼！雞中翼雞皮燒得香脆，開邊雞翼方便食🍢豚肉蘆筍卷豚肉片燒得夠乾身無半點肥膩感，蘆筍清甜爽脆無渣✨花魚一夜干魚皮燒得脆身充滿燒烤香氣一夜干魚肉結實得嚟嫩滑，完全無腥味配埋白蘿蔔蓉同柚子醋食夠清新✨燒豆腐炸日本豆腐燒到表面脆身，配鰹魚醬油同木魚花✨鰻魚炒飯微甜嘅鰻魚照燒汁好開胃唔會太重口味，珍珠米炒得粒粒分明🍹Mocktail - Passion Fizz & Rose GardenPassion Fizz香濃熱情果味，加上梳打夠晒解渴Rose Garden用咗藍柑酒同蘋果檸檬汁，味道酸酸甜甜總括嚟講食物質素幾高，串燒好味，價錢合理。環境幾好坐得舒服，適合同朋友嚟傾計飲嘢。