OK德海南雞專門店 (新都城中心)

平日唔好海南雞既我，淨係鐘情於呢間😁
呢間餐廳好闊落，而且全部凳都喺Sofa凳，店內環境舒服，帶點復古感，坐係梳化位都幾relax架!
其實呢間餐廳仲有其他越南野食，但我次次黎都係叫四川麻辣口水雞飯。

四川麻辣口水雞飯

$68

鐘意佢個麻辣夠香夠辣，呢到啲雞件預先去骨起哂肉，肉質夠滑，冇骨之餘啖啖肉!
而且皮下脂肪極少，雞皮亦夠薄，重點係佢啲雞無羶味架。
我每次叫都會叫少飯，唔洗怕食唔哂浪費麻~
係將軍澳黎講算係幾唔錯既餐廳😆