影片
更多
2023-03-08
1103 浏览
同朋友去 Popcorn 行街，之後過咗嚟翩匯坊搵食。將軍澳海旁近年真係多咗唔少食肆進駐，之前幫襯過海濱長廊對面嗰間法式扒房，今次就試下呢間寵物友善餐廳「戀上台式料理」。餐廳主打新派台式料理同台式爐端燒，店內裝潢簡潔，以木色系為主調，設有室內和戶外座位，環境優美，坐擁開揚景觀，如果選擇露天茶座，更可享受海風吹拂，分外愜意。餐廳嘅食物選擇非常之多元化，既有台式燒肉、烤魚套餐，也有小食、小菜、飯麵、燉湯等供應。我哋點咗胡椒蝦同雞扒飯，另外再加咗碟台式烤香腸。台灣胡椒蝦 ($168) 胡椒蝦用煲仔盛載，一客有 5 隻，送上時熱辣辣、香噴噴。蝦頭有好多蝦膏，蝦肉新鮮爽彈，加上索滿了胡椒嘅香氣同辣勁，惹味非常！脆香大大雞扒配魯肉飯 ($88) 雞扒即點即炸，大大塊、超厚身，外皮咬下脆卜卜，內裡肉質嫩滑又 Juicy。伴吃嘅魯肉飯味道亦唔錯，魯肉粒肥瘦均勻，甘香又不油膩，入口即溶。台式烤香腸 ($68) 平時都好鍾意食台灣香腸，今次呢客烤香腸更加有特色，用上台灣豬肉香腸拼配墨魚香腸，前者皮脆肉香、汁豐味美；而後者內含花枝粒，口感Q彈，與生蒜片同吃，味道更佳。飲品點咗戀上水果茶 ($42) 同
將軍澳海旁近年真係多咗唔少食肆進駐，之前幫襯過海濱長廊對面嗰間法式扒房，今次就試下呢間寵物友善餐廳「戀上台式料理」。
餐廳主打新派台式料理同台式爐端燒，店內裝潢簡潔，以木色系為主調，設有室內和戶外座位，環境優美，坐擁開揚景觀，如果選擇露天茶座，更可享受海風吹拂，分外愜意。
餐廳嘅食物選擇非常之多元化，既有台式燒肉、烤魚套餐，也有小食、小菜、飯麵、燉湯等供應。我哋點咗胡椒蝦同雞扒飯，另外再加咗碟台式烤香腸。
台灣胡椒蝦 ($168) 胡椒蝦用煲仔盛載，一客有 5 隻，送上時熱辣辣、香噴噴。蝦頭有好多蝦膏，蝦肉新鮮爽彈，加上索滿了胡椒嘅香氣同辣勁，惹味非常！
脆香大大雞扒配魯肉飯 ($88) 雞扒即點即炸，大大塊、超厚身，外皮咬下脆卜卜，內裡肉質嫩滑又 Juicy。伴吃嘅魯肉飯味道亦唔錯，魯肉粒肥瘦均勻，甘香又不油膩，入口即溶。
台式烤香腸 ($68) 平時都好鍾意食台灣香腸，今次呢客烤香腸更加有特色，用上台灣豬肉香腸拼配墨魚香腸，前者皮脆肉香、汁豐味美；而後者內含花枝粒，口感Q彈，與生蒜片同吃，味道更佳。
飲品點咗戀上水果茶 ($42) 同 黑糖珍珠紅豆奶茶 ($43)。水果茶好 fresh，而且用料好豐富，內有荔枝、藍莓、西柚和菠蘿等，鮮果嘅味道好 natural。
奶茶滑順，黑糖香氣濃郁，搭配煙韌嘅珍珠同綿密嘅紅豆粒，多種口感，飲完大滿足！
一場嚟到，冇理由唔食埋甜品先走，揀咗客椰奶仙草芋圓 ($38)。仙草非常嫩滑，芋圓煙韌有咬口，加上清香嘅椰奶，入口甜而不膩，一碗 2 個人 Share 啱啱好。
张贴
