薈亞廚房 (已結業)

元朗牛屎妹好少可去東邊覓食 今次去係為左搵男朋友 真心唔知將軍澳有咩好食 就諗住揀食泰國野食 睇openrice呢間薈東亞廚房評價一般 但見在佢環境都幾好 又唔洗點排隊就揀左食佢其實都有好多東南亞野食選擇 我地揀左海南雞飯同小食蝦餅 店員都好好 問我地海南雞飯要唔要配餐多8蚊就有野飲 之後我地就跟餐叫左杯龍眼冰上菜啦上菜啦～ 我地係估唔到個蝦餅份量有咁多 心諗:死啦！準備又爆瘡啦 但係好好食夠脆 海南雞飯好食 餐湯係椰子雞湯 龍眼冰就有啲甜 等溶左一陣冰再飲都ok 總括黎講 整體都唔差坐得幾舒服 服務都ok 起碼左水都會幫你加下