小魚兒 (富麗花園) (已結業)

新店來了～😍蒜蓉烤茄子🍆～烤茄子係我哋必食嘅餸菜，發現每一間都有佢嘅特色，呢度嘅蒜蓉量十分充足，而且整得唔係太油，唔會太多醬汁，香噴噴得黎，味道又天然，我哋食完，仲再order多一份添😂火鍋系列 :重慶雞煲半隻、炸響鈴、油麥菜～有冇人好似我咁，唔係太食得辣但係又鍾意食辣野🤣，呢度嘅BB辣味道偏麻，大火滾起，熄火攪一攪焗2至3分鐘就食得，如果怕辣嘅，仲可以叫店員幫忙加上上湯添響鈴同埋油麥菜份量都唔少，而且吸收晒上湯嘅味道，越滾越過癮。食飽咗先發現，而家新張期內，半打烤本地蠔只係特價＄108，見到隔離枱都有order，下次嚟一定唔可以再走寶😁