金田家 (已結業)

今日同朋友去開將軍澳嗰頭就去咗食金田家！聽人講呢間野係日本嘅過江龍，所以感覺上應該會幾好味！由於太肚餓，今次我哋一人叫咗一個拉麵，仲追加左黑豚肉同溏心蛋。辛子黑蒜拉麵拉麵有得揀軟硬度，今次揀咗個適中嘅。湯底好濃黑蒜味，超級香，配埋半肥瘦嘅腩肉叉燒，好正。黑豚拉麵呢個係最傳統嘅味道，香濃嘅豬骨湯底配上高級嘅豚肉， 令人回味無窮。另外我哋仲加咗黑豚肉，超豐富！佢個溏心蛋，食落甜甜地，中間蛋黃流心，好想叫多幾個食！海老餃子入面真係有原隻蝦，外皮煎到好脆，值得一試！最後帶咗兩杯野飲。一杯係薑汁柚子特飲，另一杯係巨峰乳酸梳打。薑汁柚子就比較refreshing 而巨峰乳酸梳打就好fruity, 兩杯都好好味，唔會好甜！